ရေနှင့်သန့်ရှင်းမှုဌာနဝန်ဆောင်မှု

ရေနှင့်သန့်ရှင်းမှုဌာနဝန်ဆောင်မှုများ

ရေဖြန့်ဖြူးရေးဌာနခွဲမှ ဝန်ဆောင်မှုုများ Expand

ရေမီတာအသစ်လျှောက်ထားခြင်း

၁။ ဝန်ဆောင်မှုရယူရာတွင်ဆောင်ရွက်ရမည့်လုပ်ငန်းစဉ်များနှင့် ပါဝင်ရမည့်အချက်အလက်များမှာအောက်ပါအတိုင်းဖြစ်ပါသည်-

(က) လုပ်ငန်းအမည် – ရေမီတာအသစ်လျှောက်ထားခြင်း

(ခ) လျှောက်ထားရမည့်နေရာ – လျှောက်ထားလိုသည့်နေအိမ်၊ စက်ရုံအလုပ်ရုံ နှင့်လုပ်ငန်းများတည်ရှိရာမြို့နယ်အတွင်းရှိ စည်ပင်သာယာအုပ်ချုပ်ရေးမှူးရုံးများ

(ဂ) ပူးတွဲတင်ပြရမည့်အချက်အလက်များ

(၁) လျှောက်ထားသူ၏ နိုင်ငံသားစိစစ်ရေးကတ်ပြားမိတ္တူ

(၂) အိမ်ခွန်မူရင်း

၂။ ဌာနမှစိစစ်ဆောင်ရွက်ပုံအဆင့်ဆင့်

(က) မြို့နယ်အုပ်ချုပ်ရေးမှူးရုံးများတွင်လျှောက်လွှာပုံစံဝယ်ယူ၍ သတ်မှတ်ထားသည့် အထောက်အထားမိတ္တူပူးတွဲ၍ လျှောက်ထားရခြင်း၊

(ခ) လျှောက်လွှာကိုဌာနခွဲမှူးထံတင်ပြခြင်း

(ဂ) ဌာနခွဲမှူးမှ မြို့နယ်အင်ဂျင်နီယာအားကွင်းဆင်းစိစစ်စေခြင်း

(ဃ) မြို့နယ်အင်ဂျင်နီယာမှတစ်ဆင့် (surveyor)အဖွဲ့ကွင်းဆင်းစစ်ဆေးရန်တာဝန်ပေးခြင်း

(င) (surveyor)မှမြေပြင်ကွင်းဆင်းတိုင်းတာမှုနှင့်အတူပြန်လည်တွက်ချက်၍ မြို့နယ်အင်ဂျင်နီယာထံတင်ပြခြင်းတွင်

မိန်းပိုက်အရွယ်အစား
ရေဖိအား
အိမ်သွယ်ရေပိုက်အရွယ်အစား
မိန်းပိုက်နှင့်အိမ်အကွာအဝေးပါရှိပါသည်။

(စ) မြို့နယ်အင်ဂျင်နီယာမှရေမီတာအသစ်တပ်ဆင်ပေးနိုင်ရန်ကုန်ကျစရိတ်(ရေမီတာ တန်ဖိုး+ချိတ်/ချိတ်ကြိုး+ပိုက်+Saddle+လုပ်အားခ+ရေမီတာတပ်ဆင်ခ+ ကွင်းဆင်းစစ်ဆေးခ)ပေးသွင်းခွင့်ပြုပါရန်ဌာနခွဲမှူး၊ ဌာနမှူး၊ ကော်မတီထံ အဆင့်ဆင့် တင်ပြခြင်း

(ဆ) ကော်မတီခွင့်ပြုချက်ရရှိပါကအိမ်ရှင်ထံငွေပေးသွင်းခွင့်အကြောင်းကြားခြင်း

(ဇ) မြို့နယ်အင်ဂျင်နီယာမှငွေသွင်းချလန်နှင့်အတူရေမီတာအသစ်တပ်ဆင်ရန် ပစ္စည်းထုတ်ယူခွင့်အားဌာနခွဲမှူး၊ဌာနမှူးထံတင်ပြခြင်း

(ဈ) ဌာနမှူးခွင့်ပြုချက်ရရှိပါကအိမ်ရှင်ထံသို့ပစ္စည်းထုတ်ယူနိုင်ပြီးဖြစ်ကြောင်း အကြောင်းကြားခြင်း

(ည) အိမ်ရှင်မှသိုလှောင်ရုံတွင် ပစ္စည်းထုတ်ယူပြီးပြန်လည်အကြောင်းကြားပါက မြို့နယ်အင်ဂျင်နီယာမှသက်ဆိုင်ရာပိုက်ဆက်အားစေလွှတ်၍ရေမီတာအသစ် တပ်ဆင်ပေးခြင်း

(ဋ) ပိုက်ဆက်မှ မီတာတပ်ဆင်ပြီးဖြစ်ကြောင်း အိမ်ရှင်လက်ခံရရှိကြောင်းလက်မှတ်ထိုးနှင့်အတူပြန်လည်တင်ပြခြင်း

(ဌ) မြို့နယ်အင်ဂျင်နီယာမှ ပြီးစီးမှုအား စစ်ဆေး၍ အတည်ပြုလက်မှတ်ရေးထိုး ခြင်း

(ဍ) ရေခွန်ဌာနခွဲသို့ရေခွန်ပို့စာရင်းတွင် ရေမီတာအသစ်တပ်ဆင်ပြီးကြောင်း ရေမီတာနံပါတ်နှင့်အတူ ပေးပို့အကြောင်းကြားခြင်း

၃။ ခွင့်ပြုချက်ထုတ်ပေးသည်အထိကြာမြင့်နိုင်သည့်အချိန်ကာလသတ်မှတ်ချက်

လျှောက်ထားသည့်နေ့ရက်မှစတင်၍ ရေခွန်ဌာနခွဲသို့ ရေခွန်ပို့စာရင်းပေးပို့အကြောင်းကြားခြင်းထိ(၃၃)ရက်ခန့်ဖြစ်ပါသည်။

ရေမီတာပိုက်လိုင်းပြောင်းလျှောက်ထားခြင်း

၁။ ဝန်ဆောင်မှုရယူရာတွင်ဆောင်ရွက်ရမည့် လုပ်ငန်းစဉ်များနှင့် ပါဝင်ရမည့်အချက်အလက်များမှာအောက်ပါအတိုင်းဖြစ်ပါသည်-

(က) လုပ်ငန်းအမည် – ရေမီတာပိုက်လိုင်းပြောင်းလျှောက်ထားခြင်း

(ခ) လျှောက်ထားရမည့်နေရာ – လျှောက်ထားလိုသည့်နေအိမ်၊ စက်ရုံအလုပ်ရုံနှင့်လုပ်ငန်းများတည်ရှိရာမြို့နယ်အတွင်းရှိ စည်ပင်သာယာအုပ်ချုပ်ရေးမှူးရုံးများ

(ဂ) ပူးတွဲတင်ပြရမည့်အချက်အလက်များ

(၁) လျှောက်ထားသူ၏ နိုင်ငံသားစိစစ်ရေးကတ်ပြားမိတ္တူ

(၂) ရေခွန်ပြေစာ

၂။ ဌာနမှစိစစ်ဆောင်ရွက်ပုံအဆင့်ဆင့်

(ခ) လျှောက်လွှာကိုဌာနမှူးထံတင်ပြခြင်း

(ဂ) ဌာနမှူးမှဌာနခွဲမှူးရေဖြန့်သို့ စည်းကမ်းနှင့်အညီဆောင်ရွက်စေရန်ညွှန်ကြားခြင်း

(ဃ) ဌာနခွဲမှူးမှ မြို့နယ်အင်ဂျင်နီယာအားကွင်းဆင်းစိစစ်စေခြင်း

(င) မြို့နယ်အင်ဂျင်နီယာမှတစ်ဆင့် (surveyor)အဖွဲ့ကွင်းဆင်းစစ်ဆေးရန်တာဝန်ပေးခြင်း

(စ) (surveyor)မှမြေပြင်ကွင်းဆင်းတိုင်းတာမှုနှင့်အတူပြန်လည်တွက်ချက်၍ မြို့နယ် အင်ဂျင်နီယာထံတင်ပြခြင်းတွင်

မိန်းပိုက်အရွယ်အစား
ရေဖိအား
အိမ်သွယ်ရေပိုက်အရွယ်အစား
မိန်းပိုက်နှင့်အိမ်အကွာအဝေးပါရှိပါသည်။
မြို့နယ်အင်ဂျင်နီယာမှရေမီတာပိုက်လိုင်းပြောင်းတပ်ဆင်ပေးနိုင်ရန်ကုန်ကျစရိတ် (ရေမီတာတန်ဖိုး+ချိတ်/ချိတ်ကြိုး+ပိုက်+Saddle+လုပ်အားခ+ရေမီတာတပ်ဆင် ခ+ကွင်းဆင်းစစ်ဆေးခ+ပိုက်လိုင်းရွှေ့ပြောင်းခ)ပေးသွင်း ခွင့်ပြုပါရန်ဌာနခွဲမှူး၊ ဌာနမှူး၊ထံအဆင့်ဆင့်တင်ပြခြင်း

(ဇ) ဌာနမှူးခွင့်ပြုချက်ရရှိပါကအိမ်ရှင်ထံငွေပေးသွင်းခွင့်အကြောင်းကြားခြင်း

(ဈ) အိမ်ရှင်မှ ရေနှင့်သန့်ရှင်းမှုဌာန၊ရေဖြန့်ဖြူးရေးဌာနခွဲတွင်ကုန်ကျစရိတ်ငွေပေးသွင်းခြင်း

(ည) မြို့နယ်အင်ဂျင်နီယာမှငွေသွင်းချလန်နှင့်အတူပိုက်လိုင်းပြောင်းတပ်ဆင်ရန်ပစ္စည်းထုတ်ယူခွင့်အားဌာနခွဲမှူး၊ဌာနမှူးထံတင်ပြခြင်း

(ဋ) ဌာနမှူးခွင့်ပြုချက်ရရှိပါကအိမ်ရှင်ထံသို့ပစ္စည်းထုတ်ယူနိုင်ပြီးဖြစ်ကြောင်း အကြောင်းကြားခြင်း

(ဌ) အိမ်ရှင်မှသိုလှောင်ရုံတွင် ပစ္စည်းထုတ်ယူပြီးပြန်လည်အကြောင်းကြားပါက မြို့နယ်အင်ဂျင်နီယာမှသက်ဆိုင်ရာပိုက်ဆက်အားစေလွှတ်၍ရေမီတာပိုက်လိုင်း ပြောင်းတပ်ဆင်ပေးခြင်း

(ဍ) ပိုက်ဆက်မှရေမီတာပိုက်လိုင်းပြောင်းတပ်ဆင်ပြီးဖြစ်ကြောင်းအိမ်ရှင်လက်ခံရရှိကြောင်း လက်မှတ်ထိုးနှင့်အတူပြန်လည်တင်ပြခြင်း

(ဎ) မြို့နယ်အင်ဂျင်နီယာမှ ပြီးစီးမှုအား စစ်ဆေး၍ အတည်ပြုလက်မှတ်ရေးထိုးခြင်း

(ဏ) ရေခွန်ဌာနခွဲသို့ရေခွန်ပို့စာရင်းတွင် ရေမီတာပိုက်လိုင်းပြောင်းတပ်ဆင်ပြီးကြောင်း ရေမီတာနံပါတ်နှင့်အတူ ပေးပို့အကြောင်းကြားခြင်း

၃။ ခွင့်ပြုချက်ထုတ်ပေးသည်အထိကြာမြင့်နိုင်သည့်အချိန်ကာလသတ်မှတ်ချက်

လျှောက်ထားသည့်နေ့ရက်မှစတင်၍ ရေခွန်ဌာနခွဲသို့ရေခွန်ပို့စာရင်းပေးပို့အကြောင်းကြားခြင်းထိ(၄၅)ရက်ခန့်ဖြစ်ပါသည်။

ကျုံးရေဆက်သွယ်ခွင့်လျှောက်ထားခြင်း

၁။ ဝန်ဆောင်မှုရယူရာတွင်ဆောင်ရွက် ရမည့်လုပ်ငန်းစဉ်များနှင့် ပါဝင်ရမည့်အချက်အလက်များမှာအောက်ပါအတိုင်းဖြစ်ပါသည်-

(က) လုပ်ငန်းအမည် – ကျုံးရေဆက်သွယ်ခွင့်လျှောက်ထားခြင်း

(ခ) လျှောက်ထားရမည့်နေရာ – အောင်မြေသာစံမြို့နယ်၊ ချမ်းအေးသာစံမြို့နယ်အတွင်းရှိ စည်ပင်သာယာအုပ်ချုပ်ရေးမှူးရုံးများ

(ဂ) ပူးတွဲတင်ပြရမည့်အချက်အလက်များ

(၁) လျှောက်ထားသူ၏ နိုင်ငံသားစိစစ်ရေးကတ်ပြားမိတ္တူ

(၂) အိမ်ခွန်မူရင်း

၂။ ဌာနမှစိစစ်ဆောင်ရွက်ပုံအဆင့်ဆင့်

(ခ) လျှောက်လွှာကိုဌာနမှူးထံတင်ပြခြင်း

(ဂ) ဌာနမှူးခွင့်ပြုချက်ဖြင့်ရေဖြန့်ဖြူးရေးဌာနခွဲသို့ကျုံးရေဆက်သွယ်နိုင်မည့် အခြေအနေအား ပိုက်လိုင်းပုံနှင့်အတူတင်ပြခြင်း

(ဃ) ဌာနခွဲမှူးမှ မြို့နယ်အင်ဂျင်နီယာအားရေရရှိနိုင်မှုရှိ/မရှိ စိစစ်စေခြင်း

(စ) (surveyor)မှအသေးစိတ်တွက်ချက်တင်ပြချက်နှင့်အတူ မြို့နယ်အင်ဂျင်နီယာ၊ ဌာနခွဲမှူး၊ ဌာနမှူး၊ကော်မတီသို့ခွင့်ပြုချက်ရယူရပါသည်။

(ဆ) ကော်မတီဝင်နှင့်ဌာနမှူးတို့၏ခွင့်ပြုချက်ဖြင့် ကျုံးရေဆက်သွယ်မှုကုန်ကျစရိတ်ကို မြို့နယ်အင်ဂျင်နီယာနှင့် ဌာနခွဲမှူးတို့အားတွက်ချက်တင်ပြစေပါသည်။

(ဇ) ဌာနမှူးမှကျုံးရေဆက်သွယ်ခွင့် ခွင့်ပြုမိန့်ရရှိပါက အိမ်ရှင်ထံ ‌ငွေပေးသွင်းခွင့် အကြောင်းကြားခြင်း

(ည) မြို့နယ်အင်ဂျင်နီယာမှငွေသွင်းချလန်နှင့်အတူကျူံးရေဆက်သွယ်နိုင်ရန် ပစ္စည်းထုတ်ယူခွင့်အားဌာနခွဲမှူး၊ဌာနမှူးထံတင်ပြခြင်း

(ဌ) အိမ်ရှင်မှသိုလှောင်ရုံတွင် ပစ္စည်းထုတ်ယူပြီးပြန်လည်အကြောင်းကြားပါက မြို့နယ်အင်ဂျင်နီယာမှသက်ဆိုင်ရာပိုက်ဆက်အားစေလွှတ်၍ ကျုံးရေ ဆက်သွယ်ပေးခြင်း

(ဍ) ပိုက်ဆက်မှကျုံးရေဆက်သွယ်ပြီးဖြစ်ကြောင်းအိမ်ရှင်လက်ခံရရှိကြောင်း လက်မှတ်ထိုးနှင့်အတူပြန်လည်တင်ပြခြင်း

(ဏ) ရေခွန်ဌာနခွဲသို့ရေခွန်ပို့စာရင်းတွင် ကျုံးရေဆက်သွယ်ပြီးစီးကြောင်းပေးပို့ အကြောင်းကြားခြင်း

၃။ ခွင့်ပြုချက်ထုတ်ပေးသည်အထိကြာမြင့်နိုင်သည့်အချိန်ကာလသတ်မှတ်ချက်

ရေမီတာပျောက်လျှောက်ထားခြင်း

(က) လုပ်ငန်းအမည် – ရေမီတာ‌ပျောက်လျှောက်ထားခြင်း

(ခ) လျှောက်ထားရမည့်နေရာ – လျှောက်ထားလိုသည့်နေအိမ်၊ စက်ရုံအလုပ်ရုံနှင့်လုပ်ငန်းများတည်ရှိရာမြို့နယ်အတွင်းရှိ စည်ပင်သာယာအုပ်ချုပ်ရေးမှူးရုံးများ

(ဂ) ပူးတွဲတင်ပြရမည့်အချက်အလက်များ

(၁) လျှောက်ထားသူ၏ နိုင်ငံသားစိစစ်ရေးကတ်ပြားမိတ္တူ

(၂) ရေခွန်ပြေစာ

၂။ ဌာနမှစိစစ်ဆောင်ရွက်ပုံအဆင့်ဆင့်

(က) ရေမီတာပျောက်ဆုံးသူအိမ်ရှင်မှ ရေခွန်ပြေစာနှင့်အတူ ဌာနမှူးသို့လိပ်မူ၍ ပျောက်ဆုံးကြောင်းလျှောက်ထားခြင်း

(ခ) ဌာနမှူးမှ ဌာနခွဲမှူးနှင့်မြို့နယ်အင်ဂျင်နီယာသို့ကွင်းဆင်းစစ်ဆေးစေခြင်း

(ဂ) မြို့နယ်အင်ဂျင်နီယာမှ ရေမီတာပျောက်ဆုံးသည့်အတွက် ဒဏ်ကြေးတောင်းခံခွင့်ကို ဌာနခွဲမှူး၊ဌာနမှူးထံသို့အဆင့်ဆင့်တင်ပြခြင်းနှင့်အတူရေခွန်ဌာနခွဲတွင်ကြွေးကျန် ရှိ/မရှိစစ်ဆေးပြန်ကြားပေးနိုင်ပါရန်ဌာနတွင်းပေးပို့ခြင်း

(ဃ) အိမ်ရှင်မှဒဏ်ကြေးငွေ(၅၀၀၀၀)ပေးသွင်းခြင်း

(င) ဒဏ်ကြေးပေးဆောင်သည့်ငွေသွင်းချလန်နှင့်အတူမြို့နယ်အုပ်ချုပ်ရေးမှူးရုံးများတွင် လျှောက်လွှာပုံစံဝယ်ယူ၍လျှောက်ထားရခြင်း

(စ) လျှောက်လွှာကိုဌာနခွဲမှူးထံတင်ပြခြင်း

(ဆ) ဌာနခွဲမှူးမှ မြို့နယ်အင်ဂျင်နီယာအားကွင်းဆင်းစိစစ်စေခြင်း

(ဇ) မြို့နယ်အင်ဂျင်နီယာမှတစ်ဆင့် (surveyor)အဖွဲ့ကွင်းဆင်းစစ်ဆေးရန် တာဝန်ပေးခြင်း

(ဈ) (surveyor)မှမြေပြင်ကွင်းဆင်းတိုင်းတာမှုနှင့်အတူပြန်လည်တွက်ချက်၍ မြို့နယ်အင်ဂျင်နီယာထံတင်ပြခြင်း

(ည) မြို့နယ်အင်ဂျင်နီယာမှရေမီတာအသစ်တပ်ဆင်ပေးနိုင်ရန်ကုန်ကျစရိတ်(ရေမီတာ တန်ဖိုး+ချိတ်/ချိတ်ကြိုး+ရေမီတာတပ်ဆင်ခ+ကွင်းဆင်းစစ်ဆေး ခ)ပေးသွင်းခွင့်ပြုပါရန်ဌာနခွဲမှူး၊ ဌာနမှူး၊ကော်မတီထံ အဆင့်ဆင့် တင်ပြခြင်း

(ဋ) ကော်မတီခွင့်ပြုချက်ရရှိပါကအိမ်ရှင်ထံငွေပေးသွင်းခွင့်အကြောင်းကြားခြင်း

(ဌ) မြို့နယ်အင်ဂျင်နီယာမှငွေသွင်းချလန်နှင့်အတူရေမီတာအသစ်တပ်ဆင်ရန်ပစ္စည်းထုတ်ယူခွင့်အားဌာနခွဲမှူး၊ဌာနမှူးထံတင်ပြခြင်း

(ဍ) ဌာနမှူး ခွင့်ပြုချက်ရရှိပါကအိမ်ရှင်ထံသို့ပစ္စည်းထုတ်ယူနိုင်ပြီးဖြစ်ကြောင်း အကြောင်းကြားခြင်း

(ဏ) အိမ်ရှင်မှသိုလှောင်ရုံတွင် ပစ္စည်းထုတ်ယူပြီးပြန်လည်အကြောင်းကြားပါက မြို့နယ်အင်ဂျင်နီယာမှသက်ဆိုင်ရာပိုက်ဆက်အားစေလွှတ်၍ရေမီတာအသစ်တပ်ဆင်ပေးခြင်း

(တ) ပိုက်ဆက်မှ မီတာတပ်ဆင်ပြီးဖြစ်ကြောင်း အိမ်ရှင်လက်ခံရရှိကြောင်း လက်မှတ်ထိုးနှင့်အတူပြန်လည်တင်ပြခြင်း

(ထ) မြို့နယ်အင်ဂျင်နီယာမှ ပြီးစီးမှုအား စစ်ဆေး၍ အတည်ပြုလက်မှတ် ရေးထိုးခြင်း

(ဒ) ရေခွန်ဌာနခွဲသို့ရေခွန်ပို့စာရင်းတွင် ပျောက်ဆုံးသွားသောရေမီတာအစားရေမီတာအသစ်တပ်ဆင်ပြီးကြောင်းရေမီတာအဟောင်း နံပါတ်၊ရေမီတာအသစ် နံပါတ်တို့နှင့်အတူ ပေးပို့အကြောင်းကြားခြင်း

၃။ ခွင့်ပြုချက်ထုတ်ပေးသည်အထိကြာမြင့်နိုင်သည့်အချိန်ကာလသတ်မှတ်ချက်

ရေမီတာပျောက်လျှောက်ထားသည့်နေ့ရက်မှစတင်၍ရေခွန်ဌာနခွဲသို့ရေခွန်ပို့စာရင်းပေးပို့ အကြောင်းကြားခြင်းထိ(၄၅)ရက်ခန့်ဖြစ်ပါသည်။

စက်ရေတွင်းနှင့်လျှပ်/စက်ဌာနခွဲ၏ ဝန်ဆောင်မှုလုပ်ငန်းများ Expand

ရေနှင့်သန့်ရှင်းမှုဌာန၊ စက်ရေတွင်းနှင့်လျှပ်/စက်ဌာနခွဲအနေဖြင့် အောက်ပါ ဝန်ဆောင်မှုများကို ဆောင်ရွက်ပေးလျက်ရှိပါသည်-

(က) အဝီစိတွင်းတူးဖော်ခွင့်ယာယီလိုင်စင်စိစစ်ခွင့်ပြုပေးခြင်း

(ခ) အဝီစိတွင်းတူးဖော်ပြီး အမြဲတမ်းသုံးစွဲခွင့်လိုင်စင်စိစစ်ခွင့်ပြုပေးခြင်း

(ဂ) လိုင်စင်ရတွင်းတူးဆရာ(အငယ်တန်း/အကြီးတန်း) စိစစ်ခွင့်ပြုပေးခြင်း

အဝီစိတွင်းတူးဖော်ခွင့် ယာယီလိုင်စင် စိစစ်ခွင့်ပြုပေးခြင်း

၁။ ဝန်ဆောင်မှုရယူရာတွင်ဆောင်ရွက်ရမည့် လုပ်ငန်းစဉ်များနှင့် ပါဝင်ရမည့်အချက် အလက် များမှာ အောက်ပါအတိုင်းဖြစ်ပါသည်-

(က) လုပ်ငန်းအမည် – အဝီစိတွင်းတူးဖော်ခွင့် ယာယီလိုင်စင်စိစစ်ခွင့်ပြုပေးခြင်း

(ခ) လျှောက်ထားရမည့်ဌာန- ရေနှင့်သန့်ရှင်းမှုဌာန၊စက်ရေတွင်းနှင့် လျှပ်/စက် ဌာနခွဲ

(ဂ) ပူးတွဲတင်ပြရမည့်စာရွက်စာတမ်းများ၊ ထောက်ခံချက်များ

(၁) လျှောက်ထားသူ၏ နိုင်ငံသားစိစစ်ရေးကတ်ပြားမိတ္တူ

(၂) မြေပိုင်ဆိုင်မှု အထောက်အထားနှင့် စပ်လျဉ်းသည့် တရားဝင်စာချုပ်

စာတမ်းများ အခြားသက်သေခံ အထောက်အထားများမိတ္တူ

(၃) အဝီစိတွင်းတူးဖော်မည့် တည်နေရာအပါအဝင် လက်ရှိအဆောက်

အအုံ၊မိလ္လာကန်စသည်တို့ ပါဝင်သည့် တည်နေရာပြမြေပုံ

(၄) လျှောက်ထားသူ၏ အိမ်ထောင်စုဇယားမိတ္တူ (ပုံစံ-၁၀)

(၅) အဝီစိတွင်း တူးဖော်ခြင်းအတွက် ရပ်ကွက် အုပ်ချုပ်ရေးမှူး ထောက်ခံချက်

၂။ စစ်ဆေးဆောင်ရွက်ပုံအဆင့်ဆင့်

(က) ရေနှင့်သန့်ရှင်းမှုဌာန၊ စက်ရေတွင်းနှင့်လျှပ်/စက်ဌာနခွဲတွင်လျှောက်လွှာပုံစံ ဝယ်ယူ၍ သတ်မှတ်ချက်များ ပူးတွဲဖြည့်သွင်းပြီး လျှောက်ထားရပါမည်။

(ခ) လျှောက်လွှာအား သက်ဆိုင်ရာ မြို့နယ်တာဝန်ခံအင်ဂျင်နီယာမှ အဆင့်ဆင့်တင်ပြကာ ဌာနသို့ ကွင်းဆင်းစစ်ဆေးခ ပေးသွင်းစေပြီး အဝီစိတွင်း တူးဖော်မည့် အနေအထားအား ကွင်းဆင်းစစ်ဆေးပါသည်။

(ဂ) ခွင့်ပြုသင့်ကြောင်း စိစစ်တွေ့ရှိပါက သက်ဆိုင်ရာ ကော်မတီဝင်သို့ တင်ပြ၍ ခွင့်ပြုမိန့်တောင်းခံပါသည်။

(ဃ) ခွင့်ပြုမိန့်ရရှိပါက အဝီစိတွင်းတူးဖော်ခွင့် ယာယီလိုင်စင်ထုတ် ပေးပါသည်။

၃။ အတည်ပြုချက်၊ ခွင့်ပြုချက်ရယူခြင်း

အဝီစိတွင်းတူးဖော်ခွင့်ယာယီလိုင်စင်ခွင့်ပြုမိန့်အား ကော်မတီဝင်ထိအဆင့်ဆင့် အတည်ပြု ခွင့်ပြုချက်ရယူပါသည်။

၄။ ခွင့်ပြုချက်ထုတ်ပေးသည့်အထိ ကြာမြင့်နိုင်သည့်အချိန်ကာလသတ်မှတ်ချက်

စတင်လျှောက်ထားသည့်နေ့ရက်မှ လိုင်စင်ထုတ်ပေးသည့်နေ့အထိ (၁၅) ရက်ခန့်ဖြစ်ပါသည်။

၅။ သတ်မှတ်ကာလထက်ကျော်လွန်နိုင်သည့်အကြောင်းအရာများ

လျှောက်ထားသူ အိမ်ရှင်မှ ကွင်းဆင်းစစ်ဆေးခ ပေးသွင်းမှုနောက်ကျသည့် အခါ ကျော်လွန်နိုင်ပါသည်။

အဝီစိတွင်းတူးဖော်ပြီး အမြဲတမ်းသုံးစွဲခွင့်လိုင်စင်စိစစ်ခွင့်ပြုပေးခြင်း

၁။ ဝန်ဆောင်မှု ရယူရာတွင် ဆောင်ရွက်ရမည့်လုပ်ငန်းစဉ်များနှင့် ပါဝင်ရမည့်အချက် အလက်များမှာ အောက်ပါအတိုင်းဖြစ်ပါသည်-

(က) လုပ်ငန်းအမည် – အဝီစိတွင်းတူးဖော်ပြီးအမြဲတမ်းသုံးစွဲခွင့် လိုင်စင် စိစစ်ခွင့်ပြုပေးခြင်း

(ဂ) ပူးတွဲတင်ပြရမည့်စာရွက်စာတမ်းများ၊ ထောက်ခံချက်များ

(၁) လျှောက်ထားသူ၏ နိုင်ငံသားစိစစ်ရေးကတ်ပြားမိတ္တူ

(၂) ယာယီအဝီစိတွင်းတူဖော်ခွင့်လိုင်စင်မူရင်း

(၃) တူးဖော်ပြီးစီးသည့်အဝီစိတွင်းအချက်အလက်များ (အချက်အလက်များမှန်ကန်ကြောင်း သက်ဆိုင်ရာလိုင်စင်ရ တွင်းတူး ဆရာမှ လက်မှတ်ရေးထိုးတင်ရပါမည်။)

(၄) တူးဖော်ထားသည့် အဝီစိတွင်း၏ ရေနမူနာ ဓါတ်ခွဲစမ်းသပ်ချက် အဖြေများ-

(၁) Bacterial Result

(၂) Chemical Result

၂။ စစ်ဆေးဆောင်ရွက်ပုံအဆင့်ဆင့်

(က) လျှောက်လွှာကို သက်ဆိုင်ရာမြို့နယ်တာဝန်ခံအင်ဂျင်နီယာမှ အဆင့်ဆင့် တင်ပြ စိစစ်၍ ဌာနသို့ ရေဓါတ်ခွဲစမ်းသပ်ခပေးသွင်းစေပြီး ဌာန ဓါတ်ခွဲခန်းမှ ဓါတုဗေဒဆိုင်ရာ ဓါတ်ခွဲစမ်းသပ်ပေးပါသည်။

(ခ) ဇီဝဗေဒဆိုင်ရာဓါတ်ခွဲစမ်းသပ်ချက်ကို ပြည်သူ့ကျန်းမာရေးဌာန ဓါတ်ခွဲခန်းသို့ ပိုင်ရှင်မှ ပေးပို့စမ်းသပ်ပြီး စမ်းသပ်ချက်ကို ရေနှင့်သန့်ရှင်းမှုဌာနသို့ တင်ပြရပါမည်။

(ဂ) တူးဖော်ပြီးသည့်တွင်းနှင့် ပတ်သက်သည့်အချက်အလက်များ၊ မြေလွှာဖွဲ့စည်းမှု ပြပုံတို့ကို ပူးတွဲတင်ပြရပါမည်။

(ဃ) တင်ပြသည့်အချက်အလက်များကို အဆင့်ဆင့်စီစစ်၍ သက်ဆိုင်ရာကော်မတီဝ်သို့ တင်ပြ၍ ခွင့်ပြုမိန့်တောင်းခံပါသည်။

(င) ခွင့်ပြုမိန့်ရရှိပါက အဝီစိတွင်း အမြဲတမ်းသုံးစွဲခွင့်လိုင်စင် ထုတ်ပေး ပါသည်။

၃။ အတည်ပြုချက်ခွင့်ပြုချက်ရယူခြင်း

အဝီစိတွင်းတူးဖော်ပြီး အမြဲတမ်းသုံးစွဲခွင့် လိုင်စင် ခွင့်ပြုမိန့်အားကော်မတီဝင်အထိ အဆင့်ဆင့် အတည်ပြုခွင့်ပြုချက်ရယူပါသည်။

၄။ ခွင့်ပြုချက်ထုတ်ပေးသည့် အထိကြာမြင့်နိုင်သည့် အချိန်ကာလသတ်မှတ်ချက်

လျှောက်ထားသည့်နေ့ရက်မှ စတင်၍ လိုင်စင်ထုတ်ပေးသည့်နေ့အထိ(၄၅)ရက်ခန့်ဖြစ်ပါသည်။

၅။ သတ်မှတ်ကာလထက်ကျော်လွန်နိုင်သည့် အကြောင်းအရာများ

လျှောက်ထားသူ အိမ်ရှင်မှ ရေဓာတ်ခွဲစမ်းသပ်ခပေးသွင်းမှုနောက်ကျသည့်အခါ တွင်လည်းကောင်း၊ ရေနမူနာများ ပေးပို့ရန် နောက်ကျသည့်အခါတွင် လည်းကောင်း ကျော်လွန်နိုင်ပါသည်။

လိုင်စင်ရတွင်းတူးဆရာ(အငယ်တန်း/အကြီးတန်း)စိစစ်ခွင့်ပြုပေးခြင်း

၁။ ဝန်ဆောင်မှု ရယူရာတွင် ဆောင်ရွက်ရမည့် လုပ်ငန်းစဉ်များနှင့်ပါဝင်ရမည့် အချက် အလက်များမှာ အောက်ပါအတိုင်းဖြစ်ပါသည်-

(က) လုပ်ငန်းအမည် – လိုင်စင်ရတွင်းတူးဆရာ(အငယ်တန်း/အကြီးတန်း)စိစစ်ခွင့်ပြုပေးခြင်း

(ခ) လျှောက်ထားရမည့်ဌာန – ရေနှင့်သန့်ရှင်းမှုဌာန၊ စက်ရေတွင်းနှင့် လျှပ်/စက်ဌာနခွဲ

(ဂ) ပူးတွဲတင်ပြရမည့်စာရွက်စာတမ်းများ၊ ထောက်ခံချက်များ

(၁) လျှောက်ထားသူ၏ နိုင်ငံသား စိစစ်ရေးကတ်ပြားမိတ္တူ

(၂) လျှောက်ထားသူ၏ ကိုယ်ရေးအချက်အလက်

(၃) အဝီစိတွင်းတူးရာတွင်အသုံးပြုမည့် နည်းစနစ်နှင်စက်ပစ္စည်းစာရင်း

(၄) လိုင်စင်ရတွင်းတူးဆရာများ စည်းကမ်းချက်ကိုလိုက်နာရန် ဝန်ခံကတိပြုချက်

(၅) သက်ဆိုင်ရာ ရပ်ကွက်အုပ်ချုပ်ရေးမှူးထောက်ခံချက်

၂။ စစ်ဆေးဆောင်ရွက်ပုံအဆင့်ဆင့်

(က) ရေနှင့်သန့်ရှင်းမှုဌာနတွင်လျှောက်လွှာဝယ်ယူ၍ သတ်မှတ်ချက်များကိုပူးတွဲ ဖြည့်သွင်းပြီး သက်ဆိုင်ရာမြို့နယ် တာဝန်ခံအင်ဂျင်နီယာမှ အဆင့်ဆင့်တင်ပြလျှောက်ထားရပါသည်။

(ခ) ရေနှင့်သန့်ရှင်းမှုဌာနရှိ တာဝန်ရှိသူများမှလူတွေ့ စစ်ဆေးမေးမြန်းပါမည်။

(ဂ) လူတွေ့စစ်ဆေးမေးမြန်းပြီး သက်ဆိုင်ရာကော်မတီဝင်သို့ ဆက်လက်တင်ပြ ကာခွင့်ပြုမိန့်ရရှိပါက လိုင်စင်ကြေးများပေးသွင်းပြီး သက်ဆိုင်ရာတွင်းတူး ဆရာလိုင်စင်ထုတ်ပေးပါသည်။ လိုင်စင်သက်တမ်း(၃)နှစ်ဖြစ်ပါသည်။

(ဃ) တွင်းတူးဆရာ (အငယ်တန်း) လိုင်စင်သက်တမ်း( ၃ )နှစ်ပြည့်ပါကတွင်းတူး ဆရာ(အကြီးတန်း)လိုင်စင်သို့လျှောက်ထားခွင့်ရှိပါသည်။

၃။ အတည်ပြုချက်၊ ခွင့်ပြုချက်ရယူခြင်း

လိုင်စင်ရတွင်းတူးဆရာ (အငယ်တန်း/ အကြီးတန်း ခွင့်ပြုမိန့်အား ကော်မတီဝင်ထိ အဆင့်ဆင့် အတည်ပြုခွင့်ပြုချက်ရယူပါသည်။

၄။ ခွင့်ပြုချက်ထုတ်ပေးသည့်အထိ ကြာမြင့်နိုင်သည့်အချိန်ကာလ သတ်မှတ်ချက်

တွင်းတူးဆရာလိုင်စင်လျှောက်ထားသည့်နေ့ရက်မှ လိုင်စင်ရရှိသည့်နေ့ရက်နေ့အထိ (၁၅)ရက်ခန့် ဖြစ်ပါသည်။

၅။ သတ်မှတ်ကာလထက်ကျော်လွန်နိုင်သည့်အကြောင်းအရာများ

တွင်းတူးဆရာ လိုင်စင်လျှောက်ထားသူမှ လိုင်စင်ကြေးပေးသွင်းမှုနောက်ကျသည့်အခါ ကျော်လွန်နိုင်ပါသည်။

သန့်ရှင်းမှုဌာနခွဲ၏ ဝန်ဆောင်မှုလုပ်ငန်းများ Expand

မန္တလေးမြို့တော်စည်ပင်သာယာရေးကော်မတီ၊ ရေနှင့်သန့်ရှင်းမှုဌာန၊ သန့်ရှင်းမှုဌာနခွဲ အနေဖြင့် အောက်ပါဝန်ဆောင်မှုများကို ဆောင်ရွက်ပေးလျှက်ရှိပါသည်-

(က) မိလ္လာကားငှားရမ်းခွင့်လျှောက်ထားခြင်း

(ခ) Mobile Toilet ငှားရမ်းခွင့်လျှောက်ထားခြင်း

မိလ္လာကားငှားရမ်းခွင့်လျှောက်ထားခြင်း

ဝန်ဆောင်မှုရယူရာတွင် ဆောင်ရွက်ရမည့် လုပ်ငန်းစဉ်များနှင့် ပါဝင်ရမည့်အချက်အလက်များမှာ အောက်ပါအတိုင်းဖြစ်ပါသည်-

(က) လျှောက်ထားခွင့်ရှိသူ – မန္တလေးမြို့တော်စည်ပင်သာယာရေးကော်မတီ၊ မန္တလေး(၆)မြို့နယ်အတွင်းရှိနေအိမ်ပိုင်ရှင်များ၊ စက်ရုံအလုပ်ရုံများ၊ လုပ်ငန်းရှင်များ လျှောက်ထားနိုင်ပါသည်။

(ခ) လျှောက်ထားရမည့်ရုံးလိပ်စာ – သက်ဆိုင်ရာမြို့နယ်အုပ်ချုပ်ရေးမှူးရုံးများ

(ဂ) ပူးတွဲတင်ပြရမည့်အချက်အလက်များ – လျှောက်ထားသူ၏ လိပ်စာ၊ ဖုန်းနံပါတ် အပြည့်အစုံ၊

(ဃ)ဌာနမှ စိစစ်ဆောင်ရွက်ပုံ – မြို့နယ်အုပ်ချုပ်ရေးမှူးရုံးများတွင် လျှောက်ထား စိစစ်ဆောင်ရွက်ပုံအဆင့်ဆင့်၍ စစ်ဆေး လက်ခံဆောင်ရွက်ပေးပါသည်။

– လျှောက်ထားသူသည်မြို့နယ်အုပ်ချုပ်ရေးမှူးရုံးများတွင် မိလ္လာကားငှားရမ်းခငွေကို ပေးသွင်းရပါသည်။

(င) ကြာမြင့်နိုင်သည့်အချိန်ကာလ – လျှောက်ထားသည့်နေ့ရက်မှစ၍(၃)ရက်ခန့်

Mobile Toilet ငှားရမ်းခွင့်လျှောက်ထားခြင်း

(က) လျှောက်ထားခွင့်ရှိသူ – မန္တလေးမြို့တော်စည်ပင်သာယာရေး ကော်မတီ၊ မန္တလေး(၆)မြို့နယ်အတွင်းရှိ ဘာသာရေး၊ လူမှုရေးဆိုင်ရာ အခမ်းအနားများနှင့်ဖျော်ဖြေ ရေးပွဲများ ကျင်းပမည့် အဖွဲ့အစည်းများက လျှောက်ထားနိုင်ပါသည်။

(ခ) လျှောက်ထားရမည့်ရုံးလိပ်စာ – ရေနှင့်သန့်ရှင်းမှုဌာန၊ သန့်ရှင်းမှုဌာနခွဲ

(ဂ) ပူးတွဲတင်ပြရမည့်အချက်အလက်များ – လျှောက်ထားသူ၏လိပ်စာ၊ ဖုန်းနံပါတ် အပြည့်အစုံ၊ ငှားရမ်းလိုသည့်အကြောင်းအရာ

(ဃ) ဌာနမှ စိစစ်ဆောင်ရွက်ပုံအဆင့်ဆင့် – ငှားရမ်းလိုသည့်အကြောင်းအရာ၊ နေ့ရက်၊ အချိန်၊Mobile Toilet အရေအတွက်ကိုဖော်ပြ၍ ကော်မတီထံခွင့်ပြုမိန့် တောင်းခံရပါသည်။ ကော်မတီမှခွင့်ပြုမိန့်ရရှိပါက ရေနှင့် သန့်ရှင်းမှုဌာန၊သန့်ရှင်းမှုဌာနခွဲတွင်ငွေပေးသွင်းရပါသည်။

(င) ကြာမြင့်သည့်အချိန်ကာလ – လျှောက်ထားသည့်နေ့မှ ကော်မတီထံ ခွင့်ပြုမိန့် တောင်းခံသည်အထိ(၁)ရက်

ဝယ်ယူရေးနှင့် ထိန်းသိမ်းရေးဌာနခွဲ၏ ဝန်ဆောင်မှုလုပ်ငန်းများ Expand

(က) လျှောက်ထားခွင့်ရှိသူ – ပြည်ထောင်စုမြန်မာနိုင်ငံတော်တွင် တရားဝင်မှတ်ပုံတင်ထားသောကုမ္ပဏီ

(ခ) လျှောက်ထားရမည့်ရုံးလိပ်စာ – ရေနှင့်သန့်ရှင်းမှုဌာန၊ ဝယ်ယူရေးနှင့် ထိန်းသိမ်းရေး ဌာနခွဲ

(ဂ) ပူးတွဲတင်ပြရမည့်အချက်အလက်များ – ၁/၂၀၁၇မှ ညွှန်ကြားချက်များနှင့်အညီ ကုမ္ပဏီရာဇဝင်များ၊ ဘဏ္ဍာရေး အခြေအနေများ၊ လုပ်ငန်းအတွေ့အကြုံ၊ ဝန်ထမ်း ဖွဲ့စည်းပုံ၊ နာမည်ပျက်ရှိ/မရှိ

(ဃ) ဌာနမှ စစ်ဆေးလက်ခံခြင်း အဆင့်ဆင့် – တင်ဒါကော်မတီဖွဲ့စည်းခြင်း

– အိတ်ဖွင့်တင်ဒါအား သတင်းစာတွင် ခေါ်ယူခြင်း

– တင်ဒါရှင်ပြိုင်မည့်လျှောက်လွှာများ ရောင်းချခြင်း၊

– စည်းမျဉ်းစည်းကမ်းသတ်မှတ်ချက်များ အားတပါတည်း ပါရှိခြင်း

– တင်ဒါအာမခံငွေပေးသွင်းခြင်း

– တင်ဒါဈေးနှုန်းလွှာစံချိန်၊ စံညွှန်းနှင့် ကုမ္ပဏီဆိုင်ရာ အချက်အလက်များတင်သွင်းခြင်း၊

– တင်ဒါပိတ်ခြင်း

– ငွေကြေးဆိုင်ရာအိတ်များဖွင့်ဖောက်ခြင်း

– နည်းပညာဆိုင်ရာ အကဲဖြတ်စီစစ်ခြင်း

– စိစစ်ရွေးချယ်ပြီးပါက အစီရင်ခံစာ တင်ပြခြင်းနှင့်တင်ဒါအောင်မြင်သူအား ကြေညာခြင်း

– စာချုပ်ချုပ်ဆိုခြင်း

(င) ကြာမြင့်နိုင်သည့်အချိန်ကာလ – (၂)လ

(စ) ဌာနမှ စိစစ်ဆောင်ရွက်ပုံ အဆင့်ဆင့် – အရည်အသွေးစစ်ဆေးခြင်းနှင့်လက်ခံရေး ကော်မတီမှ ရေနှင့်သန့်ရှင်းမှုဌာန အပါအဝင် အခြားဌာနမှ ဌာနမှူးများနှင့်အတူ ပစ္စည်းများ၊ လုပ်ငန်းများ စစ်ဆေး လက်ခံခြင်း၊

– လုပ်ငန်းများပြီးစီးခြင်း၊ ပစ္စည်းများ ရောက်ရှိခြင်းနှင့်ငွေပေးချေခြင်း၊

– စာချုပ်ခွင့်ပြုပါ စံချိန်စံညွှန်းများ၊ Test Report များ၊ BOQ(Bill of Quantity) များ နှင့် တိုက်ဆိုင်စစ်ဆေး၍ ပစ္စည်း/ လုပ်ငန်းများအားစစ်ဆေး လက်ခံခြင်းနှင့်လုပ်ငန်းပြီးဆုံး

ခြင်း

(ဆ) အတည်ပြုချက်ခွင့်ပြုချက် – အရည်အသွေးစစ်ဆေးရေးနှင့် လက်ခံရေး ကော်မတီမှရယူခြင်း အစီရင်ခံစာအား ကော်မတီအတည်ပြုချက်ရယူခြင်း

(ဇ) ကြာမြင့်နိုင်သည့်အချိန်ကာလ – ရက်သတ္တ(၂)ပတ်

(ဈ) တင်ဒါလုပ်ငန်းဆောင်ရွက်မှု – (က) စာချုပ်မချုပ်ဆိုမှီ – (၂) လ (သတင်းစာခေါ်ယူခြင်းနှင့်တင်ဒါစိစစ်ခြင်း)

(ခ) လုပ်ငန်းဆောင်ရွက်ခြင်း – လုပ်ငန်း အခြေအနေပေါ် မူတည်၍ပြောင်းလဲခြင်း

(ဂ) လုပ်ငန်းပြီးစာရင်း ရှင်းလင်းခြင်း – (၁)လ

ပင်မစာမျက်နှာသို့